ناس لها انتخابات وناس لها س 28

الهتاف في 25 يناير كان عيش حرية عدالة اجتماعية , احتياجات أي انسان طبيعي
يلاقي لقة عيش بكرامة من غير ذل او اهانه , يعيش بحرية من غير خوف من ان حقه يضيع او ان صوته يتكتم او ان واحد يستغل سلطته علشان يكسره او يقهره وعدالة اجتماعية , انه مايعاملش كمواطن درجة تانية وميبقاش مواطن مٌهمّش باي حال من الأحوال
حد مختلف علي الكلام ده
ايه رايكم ان الشباب اللي كتير منهم الشرطه العسكرية قبضت عليه (ولسه القضايا شغاله ضدهم) اتقبض عليهم علشان قالوا كده ؟
تفتكر ازاي تقدر تعيش في بلد مش قادر تعبر عن رايك فيها بحرية , لانك عارفه ان النظام هايعتبرك عدو ليه لمجرد انك بتقول كلام مش عاجبه
ايا من كانت ديانتك دور فيها شوف نبيك كان بيتعامل ازاي مع المختلفين معاه في الاراء , كان بيخلي الشرطة العسكرية تقبض عليهم ويعذبهم , بحيث انك حتي لما يجي اهلك يزروك ماتتعرفش عليهم ؟ أكيد طبعا لأ
وتخيل ان دول انبياء يعني هما متاكدين من صحة كلامهم بنسبة 100% , طيب واحنا بشر ايا ماكان راينا يحتمل الصواب او الخطأ يبقي نتصرف ازاي لما حد يكون مختلف معانا في الراي ؟
ازاي تقدر تعيش في بلد لما تروح تسال علي صحابك فيها يتقبض عليك انت كمان ؟
او تحاول تساعد مصاب يقوم يتقبض عليك انت وهو ويخلوكوا اعدء للبلد
الفرق بين اللي كانوا بيهتفوا في 25 يناير و اللي مقبوض عليهم دلوقت مش اكتر من اللي اتقبض عليهم كانوا لوحدهم وكان عددهم مش كبير
الثورة بدري عليها  مش علشان حاجه اكتر من عيش كريم وحرية مكفولة و عدالة اجتماعية لكل مصري من غير تمييز سياسي او يديني او ثقافي

وتحيا مصر ويسقط حكم العسكر

الواحد مش عارف يضحك ولا يرقع بالصوت الحياني , الناس قاعدة بتفكر ياتري ياهل تري ابو الفتوح ولا حمدين ولا خالد ولا مرسي الزناتي وناسيين اللي مرمين في س 28 هناك
مش عارف اذا كان فيكم حد سمع عن س28 , اللي وضحت لينا بجد ان المجلس العسكري غير العقيدة القتالية للجيش المصري وللاسف بدل مايجهز العساكر علشان الصهيانة لأ بيجهزهم لولاد البلد دي علي اساس ان اي حد يخالف الحاكم يبقي ألعن من الصهاينة , وكده يبقي الصهاينة لهم عندنا حق عرب , علي الاقل دول كنا عارفين انهم صهاينة ونعرف نقول لهم في اتفاقيات معاملة أسري , انما بتوع المجلس العسكري هانققول لهم ايه ؟
الشهدا اللي أدوا لهم التحيه العسكرية هما هما نفس الناس اللي مرمين في س28 , مافيش حاجه اتغيرت , كل الفكره ان ناس كتير انسحبت وناس اكتر باعت وبما ان اللي بيحاول يضغط دلوت اقلية يبقي مافيش مشكلة عند العسكري (واقصد لواءات المجلس العسكري بشخصهم )  انه يولع فيهم بجاز وهيا هاتفرق معاهم ايه , وعلي راي القذافي "من انتم", في راي المجلس الموقر (فاكرين الدباجة دي) ان الناس اللي بتحاول تقول لأ (في 25 ابريل الناس برضه كانت بتقول لأ) دول خونة وعملاء وقابضين وبتوع ملوتوف
اغلبية اللي مقبوض عليهم من فئة احنا بتوع الاتوبيس , وحتي لو ما كانوش , لو هانسجن اي حد يعارض الاغلبية او حتي الحاكم يبقي الاحسن نقول لحسني "اسفين ياريس" وياريت تيجي علشان احنا غلطنا في حقك واحنا شوية عيال سيس ووحشة ومش فاهمين حاجه وانت كنت فلة
انا ممكن اختلف معاك ايا من كنت بس مش من حقي ابدأ اني احاول اخرسك او اكممك او اسحلك
انا مش لاقي اكتر من ده

حتى لا ننسى: جرائم العسكر في أولى أسابيع الثورة!

بالمناسبة , حد فيكم يعرف الجيش بينزل ليه الشارع اصلا ؟
الجيش (وده بالمناسبة ليه خطة , بيقولوا عليها خطة تأمين المنشئات الحيوية) مابينزلش علشان يحوش مثلا او يسلك خناقة , الجيش بينزل أولا علشان تامين منشئات اللي هيا شوية حيطان وورق (وده يوضح ليك ازاي المجمع العلمي اتحرق ) , انما الناس بحتلوا المرتبة الاخيرة في موضوع التامين ده لأ وكمان بينزل في حالات فقد قوات الامن المركزي السيطرة علي حالات الشغب والفوضي واسال اي حد قريبك في الجيش في العمليات او حاجه زي دي
لأ وايه اللي بيقبض عليك ده غالبا عسكري , غالبة العساكر معلوماتهم صفر في القانون , يعني هو مالوش دعوة ممكن يستتقل دمك وياخدك يرميك مع واحد حرامي الاهالي سلمته زي ماحصل مع ناس كتير وهو يتساب وتتسحل انت
لأ وايه اليومين دول اللشحن للعساكر بقي ضد المتظاهرين انهم بيقتلوا عساكر جيش (بالمناسبة تعرفوا ان في عساكر اتحاكمت بتهمة تكسير الاوامر لما جت لهم اوامر بفض تظاهرات في السويس والقاهرة) و تلاحظ ان اي حد بيدخل بقولك انه بترحب بيهم جامد جدا (ضرب وبهدلة واهانة ) زي مايكونوا دول كفار واللي جايبنهم دول أسروهم في غزوة ولا في فتح من فتوحاتهم
المجلس العسكري مخطئ اذا كان دبر لانه دبر
واذا كان مش عارف لانه مش عارف
كونك تبقي مسئول ومش عارف والناس تقولك انت مش عارف وتكابر يبقي قبلت المسئولية ليه أصلا
وتحيا مصر ويسقط حكم العسكر

أيهم أهم ؟

ماهو المهم أكثر , ان أعبر برايي عن السياسة وفي المرشحين او استخدم هذا الرأي لفت النظر الي مشلكة او قضية يعاني منها مجتمعنا
للاسف ان تنساق خلف السياسة شئ لامفر منه لكن الاتستحق مشاكل المجتمع الحقيقة نظرة من الشعب ونواب الشعب
كنت حينما علمت ان نواب الشعب كثير منهم متعلمون ومثقفون تفائلت لكني لم اعد اراه سوي تعبير عن سلطة مطلقة للجماعه التي كانت محظورة
وأن الامر كان بالنسبة لهم فرد عضلات سياسية أمام الناس
لم اجد في هذا المجلس سوي محاولات من غالبية اعضائه اثارة مواضيع تثير الناس لا اكثر
لاعرض حقيقي لمشاكل المجتمع , مشاكل الاطفال ولا اطفال الشوارع ولا الوضع المتدني للتعليم ولا الصحة ولا العشوائيات ولا الصعيد المهمل ولا بدو سيناء ولا أهل النوبة المهلمين ولا المصريين المهدر كرمتهم في الخارج ولا الداخل ولا مواجهة حقيقة للفساد , من المفترض ان يكون المجلس هو صوت الشعب لكنه الان صوت اجزاب وجماعات
وليرحم الله الشعب ولٌعنت السياسة وكل منافقيها

تنظيم Google Reader

أستخدم جوجل ريدر بشكل أساسي وقد أمضيت الان مايقرب من الساعتين والنصف في ترتيبه , عسي أن أعود فعلا للمتابعة والقراءة
المحزن أن كثير من المدونات الجيدة إما توقفت او حٌذفت إصلا
سيئ جدا :( ومحزن

ضد ام مع ؟

يقولون ان جريدة المصري اليوم مخترقة ثم بعد ذلك يستشهدون بها.
جائزة سخاروف للموالين لليهود وتجد فلسطيني ضد الصهيونية حصل عليها, وايضا يهودي ضد الصهيونية حصل عليها.
نحن ضد أمن الدولة , بعد ذلك , لم لم يقبض امن الدولة والمخابرات علي هؤلاء ؟
هؤلاء عملاء للموساد وامن الدولة و و و و , , لم لست انت ايضا , من الممكن ان تكون انت ايضا , هات مايثبت بانك لست عميل ؟
نريد كبش فداء , المنظمات ذات التمويل الخارجي تبدو عذر جيد , الجيش ياتي له تمويل خارجي هل جيشنا المصري عميل ؟
فلان وفلان وفلان موالون لاسرائيل وامريكا , لماذا لانهم يتلقون اموال منهم , ماذا عن اموال البنك الدولي اللذي كان يعمل جاهدا - ونجح - في خفض شريحة مصر ونذهب اليهم للطلب منهم ؟
فلان وفلان من قادة الثورة , حقا ماذا عن فلان وفلان اللذين لم يعرف بهم احد وقتلوا - الله اعلم بامر الشهادة من عدمه -  وفقدوا اعينهم واعضائهم ولايعلم بهم احد , هل هم من حثالة الثورة ؟
الثورة كانت تنادي برغيف العيش كرامة المصري سواء في بلدة او خارج بلده ؟ ما النتيجة ؟ ازلوا مبارك - اللذي كان اشبه بمن جعل نفسه اله للمصريين - لكن الامر كماهو , يظل الحاكم في نظر نفسه منزه عن الخطأ مدرك للخطأ والصواب ومن حوله لايفهومن ولايفقهون شيئا وهو نفسه من يفهم كل شئ , وشيئا فشيئا سيتحول الحكام من راعيين لمصالح الشعب و عمّال عند الشعب الي اله يرون انفسهم منزهين عن كل شئ , وللاسف يصدقهم الكثيرون.
ونتناول الوجه الاخر للمنظمات الحقوقية , حقا حقوقية , هل الامريكين ينالون كل حقوقهم ؟ لم لم يحصل واحد من المعسكر الغربي علي جائزة سخاروف ام هل هي حصرية للمعسكر الشرقي فقط ؟
لم لا تتكلم المنظمات الحقوقية عما يحدث من فساد في حكومات المعسكر الغربي , انجلترا وفرنسا وامريكا وكندا و بلجيكا وبولندا وغيرهم , ام هو وصلوا الي منتهي التقدم والحرية واصبح الحكام ملائكة الشعب الساهرين علي امورهم ؟
لماذا لايوجد كلام علي فساد الشرطة الوجيش عندهم ! , لم لايوجد حديث الا عن دول بعينها في تلك المنظمات - هيا الناس دي ماورهاش حد غيرنا ياجدع !!
لماذا ينظر الناس لاي حقوقي نظرة سطحية فقط متخذين كلامه علي انه فعلا هو عمله وفكره , اللسان لايعبر دائما عن القلب وما تفعله اليد.
لماذا يصدق الناس دائما حكوماتهم صدقا لايشوبه شك.
لماذا لايتحري الناس ولو قليلا فيما يقال ؟ هل كل من يتحدث صادق ؟ ام نحن من اصبحنا حمقي لهذه الدرجة ؟

نحن المخطئون

بالصدفة كنت في موقع اخبار روسيا اليوم , وطبعا توجهه متوافق مع روسيا الاتحادية ونظامها الشيوعي المهم وجدتهم يتكلمون عن موضوع ثورة التعري واخذني الامر وطال وانتشر بي حتي عرفت ان في مصر نفس الشئ وقد كنت قبل كذلك رأيت اشياء مماثلة , تحرر , حرية ليبرالية
يقول الليبراليون والمنادون بالديمقراطية أن اي من الامرين لايعني الاباحية او حرية السب او الشتم , باختصرا التعدي علي حريات الاخرين.
لكن كل شخص - وانا اعني كل شخص - يتكلم عن الحرية (طبعا الاباحية وحرية سب الاديان) دائما ودائما ودائما يقول ان هذه هي الديمقراطية وان هذه هي الليبرالية وهكذا هي الشعوب المتقدمة وان شعب مصر والشعوب الاسلامية -لان الكلام غالبه ينصب علي الاسلاميين واحياننا المسيحين ايضا - شعوب متخلفة تعيش في غياهب عصر انقضي وفات منذ مئات السنين وأننا يجب ان نتبع مسار الدول المتقدمة.
للأسف هم ليس بهم مشكلة , صحيح ان الفطرة السلمية يجب ان تصل بك الي الحقيقة دائما, لكن ماذا عن اللذين عاشوا في وسط فاسد , ماذا عن اللذين تمت لهم عمليات غسيل مخ , بحيث أصبح يري ان من سبل التقدم العري - كلما خلعت أكثر كلما نقدمت اكثر , من المفروض ان يكون سكان جزر جنوب شرق اسيا متقدمون جدا طبقا لهذه النظرية- ماذا عن اللذين شوهوا الدين , واقصد بهذا الجاهلين , كل شخص يري نفسه اهلا للكلام , كل شخص يري نفسه مسلم و "أبو العريف" فيتكلم كالأحمق (لأن الأحمق اللذي لايدرك عواقب افعاله) , ماذا عن من شوه الدين وحينما يواجه هؤلاء يفسدهم أكثر ويزيد من إفسادهم, ماذا عن من تكوا حقيقة الإيمان وتمسكوا بالقشور وهم من الداخل تغلي الشهوات بداخلهم وتعصفهم عصفا , فتجده يسترق النظر لفتاة او لأخري وتجده ينتهك حدود الله إذا ما خلا بها , ماذا عن اللذين يرون في شياختهم وإمامتهم مجدا شخصيا ولايدعي احدكم ان هذا مستحيل فالمراء للناس شهوة خفية لايدركها الكثيرون وهي مصاحبة تقريبا لكل عمل تفعله إلا ان يرحمك الله برحمة من عند.
ماذا عن من يملك القدرة والعلم والقوة للدعوة ولم يدع هؤلاء , كمسلم مؤمن كيس فطن , يعي مع من يتكلم وكيف يتكلم ؟
نحن جميعا مشتركون في هذا الإثم , فكل مسلم يقف علي ثغر من ثغور الإسلام , إما ان تكون من الحماة وإما أن تكون ممن ترك مكانة وأصبح ممن يؤتي الإسلام من قبله.
لا أنزه نفسي بهذا الكلام بل أنا منكم وإن كنت أوجه هذا الكلام الي شخص فأنا أوجهه إلي نفسي قبل أيا منكم.
نحن جميعا بشر من لحم ودم , نحمل شهوة الجنس منذ الولادة وشهوة السلطة وطلب المال والأولاد , ولايمكنك مهما اوتيت من قوة أن تنكر وجود كل هذا او أي من هذا.
يجب عليك ان توازن فعلا بين كل فعل وكل طلب , انا احب النساء لكن الله أرسل إلي نبي يخبرني بأنه حرم هذا , وأنه يطلب مني ان اترك هذا حبا له وطاعة له , فأي حب سأفضل حبي للجنس او حبي لله ؟
إن الله قد أمرني بالصلاة كل يوم خمس مرات وأخبرني أن هذا بحبي له واخبرني الشيطان ونفسي بان اترك هذا الحب , وألا افعل شيئا وهكذا أنا والأناسي جميعا نحب الدّعة والسكون , فمن سنفضل حب الله أم حب الدّعة والسكون؟
علينا ان نحسم كل امر داخل انفسنا لا أن ندفنه ونركم عليه التراب فتأتي شظية فتشعله نارا يحرقنا ويحرق من حولنا.

نهج جديد من الامن في مصر

كنت قد سمعت ان الجيش في بداية نزولة لم يكن لاجل الشعب وبعد اعادة النظر اصبح ان هذا الكلام هو المرجح بشدة بعد ان علمت ان نزول الجيش للشارع لايكون الا في حالات الشغب الحادة وخروجها عن سيطرة الامن المركزي وطبيعي انه لن ينزل الي الشارع ليسبح بحمد المتظاهرين لكن موقفه بعد ذلك هو اللذي جعل منه في اعين الكثيرين بطلا شعبيا
ناهيك عن ان المعتقلين ايام تظاهرات 25 يناير كانوا يحتجزون في مركز تدريب المجندين بالجيش.
وهذه المقدمة البسيطه لنعرف ان الجيش والحكومة ايد واحده وطبعا اجهزة الامن وهو ماظهر مؤاخؤا بعد تعلمهم من درس 25 يناير,
حيث اصبح التركيز علي الإعلام وخصوصا إعلام الإنترنت شديد جدا, هذا يكون واضحا في بعض الصفحات المؤيدة للمجلس العكسري علي الانترنت, المجلس العسكري لايوجد ملائكة به - ولا شياطين ايضا - لذا حينما يخطئ فهو مطالب بان يواجه الشعب بالحقيقة وباصلاح الخطأ لا بالتمادي والتعنت ويجب علي من يتبع او يشجع شخص ان يناصره دائما ففي الحق يؤيده وفي الباطل يرده عن هذا الباطل ويقف في وجهه لا ان يؤيده وطبعا الكلام يشمل مؤيدي المجلس العسكري وشباب الإخوان وايضا شباب الحركات التحررية ايا كان مسماها.
بالمناسبة : اليس غريبا انه منذ القبض علي جماعات التمويل الاجنبي كما يدعونها لم نسمع كثيرا عن اشتباكات؟